خليك إيجابي

لما أقول ليك كن إيجابي مامعناها إنو تطلع من العالم الواقعي وتعيش في عالم الوهم والخيال !

لالا…

بقصد ليك انك تعرف مشاكلك وتقدر تتعامل معاها بالصورة الصحيحة، يعني تعيش حياتك بكل لحظاتها حزن ، فرح ،لكن عيشها بشوية عقل .

لما أقول ليك اتفاءل ما بقصد ليك كذب على نفسك وأوهمها بشيء ما حاصل لا بقصد ليك إنو أخد نفس من أقصى أعماقك و ابتسم ツ عبر عن فرحك ... خلي العالم كلو يعرف انو السعادة دي موجودة ، خليهم يؤمنوا بانو الابتسامة الصغيرة دي بتصنع المعجزات…ماتبخل بأحاسيسك وشعورك عبر عنها،شاركها مع و الناس الحولك مين عارف يمكن حياتهم تتغير بعد كدا !

حكاية تكون إيجابي دي ما صعبة وإنت بتمتلك كل المقومات البتخليك تفكر بإيجابية وتعيش بإيجابية، وتنشر الإيجابية. فشنو أبدأ …أي نعم أول خطوة بتكون صعبة شوية، بس هي ما أصعب من الفات . خطي أول خطوة عشان تصل هناك محل إنت عايز ، محل هدفك، حلمك، طموحك … يلا حتخطي وما حتخاف ، لأنو جواك القوة البتسندك ، البتخليك تواصل لآخر مشوارك 

خد بالك وإنت ماشي في طريقك ، الغالبية حتتخلى عنك ،الكل حيكون ضدك إلا حلمك حيكون معاك عاين ليهو وما عليك . حتسمع أصوات كتيرة بتقول ليك أرجع ، إيدين كتيرة حتشاور ليك نحو الخلف … ما تسمع إلا صوت حلمك وما تشوف إلا هدفك. حتصل … حتصل …حتصل

#العَــهْــد || A'hd Fathallah

الكاتبة:عهد فتح الله