( أيامك معاي) 

يا حليلها ايامك معاي 

يا حلوة جيتك بإشتياق 

قاطع طريقاً مر وشاق 

تتجاذب الأهوال خُطاي 

ملت داخلي الإغتراب 

جاييك صفحة من العذاب 

امحي المواجع من جواي 

اه لمن السنوات تجور 

تسرق تغاريد الطيور 

تبعدني عنك دون رضاي 

واه تاني من عمرا طويل 

ضاع في دروب المستحيل 

كملتو بين علّ وعساي 

سنن الغرام 

شوق وإنهزام 

وكم دمعة في خاطر بكاي 

واصلو الرحيل 

زي اي ليل 

كل ما يفوت نلقاهو جاي

قدرك يتاتيك الهوى

ويسقيكِ دمع الخوف دوا 

وتمشيهو درب الهم معاي 

وانا في دروب الرجعة ليك 

شابت حروفي على عينيك 

وكتبت ليك أجمل غناي 

وغنيتها شوفتك ابتهاج

يقطع مداين الدنيا ضاج 

انا قلبي منك يا مناي 

محمد القاسم 

#ابوغزل